Vereine und Verbände
Hemmoorer Geschichte(n)
Mord in Wedelsforth –
plattdeutsche Version
Die folgende plattdeutsche Version findet sich in „Volksdichtung
aus dem Lande Hadeln“ von Heimatforscher Richard Tiensch aus
Otterndorf (abgedruckt bei Elisabeth Rühmkorf):
De söben Eken bi Warstod stot ünner „Denkmolschutz“. Wenn
Du dorhen wullt, denn mußt bit Basbeck föörn und denn no
Looms to gan. Se stot dicht bi den Hoff Wedelsforth, kannst
jem ober slecht finnen. Am besten is‘t, du frogst di dat no. Veel
to seen is dor uk nich, bloß wegen disse Geschicht schult de
Bööm ston blieben.
Op den Hoff Wedelsforth leew ins een riken Buer, dat wer so‘n
groten Giezhals und Neitfink de nümt wat stännig weer. Een‘n
Harsdag klopp ins een Butjer bi em an, de harr keen Schillen
meer in de Fick un wull en beten wat eeten hebben. Ober he
much noch so elenden un prellen, de dicke Buer reep den Hund
un jog den Butjer weg. De weer bannig füünsch. He weer wol
wat gewennt, ober so harr em noch nümt behannelt. Den Kerl,
den wull he sick köpen!
20 Hemmoor Magazin 03/2021
He leep de Drift langs no de Strot, güng een lütjen Enn dorop
wieder un sett sick in de Heid ünnern Eekboom. He wull sick
dat nodenken, wie he den Buer een‘n anstecken kunn. Op de Eer
legen en ganzen Barg lütje Eckern, dormit verdreef he sick de
Tied. As dat schummern dä, brau de Hos in all de Grobens un
op de Stückens, un as dat düster weer, to wuß he, wat he doon
wull. Den Buern schull dat Huus opbrennen. He tööw, bit allens
still un düster weer. Sinnig keem he no den Hoff. Ober de Buer
harr sick uk opregt un harr keen Sloop kregen. He leeeg mit open
Ogen innt Bett un hör den Butjer. He mark fuurts, wat de wull. He
sprung op. In de Luch hung en Besemeer. Den kreeg he to foten,
un den op em! As he de Döör opmok, kneep de Butjer ut. Ober
de Buer wuß bi sick beter Bescheed. He worr em wies und nei
em mit den Besemeer öbern Kopp. De Butjer wer fuurts doot. De
Buer hol een Escher un bepurr em in de Heid.
No‘n poor Jor wussen op den Butjer sien Graff söben Eeken in
enen Kreis. He harr söben Eckern in de Fick hat. De weern opkomen.
Nu sünd dat dicke Bööm. Kannst seen, dat is all lang her!
Hier könnte
Ihre Anzeige stehen
Anzeigenberatung und -verkauf:
Rieke Metscher
Tel. (04721) 585-215
Fax (04721) 585-4215
Mail: rmetscher@cuxonline.de